حكايات في عربيات البنات

زمان سمعت ان بالنسبه للشباب العربيه اهم من اوضته في البيت بيرتبها وينظفها ويصرف عليها والعكس عند البنات تلاقي اوضتها منظمه ونظيفه وكل حاجه في مكانها بس بقه لو جيت على عربيتها العكس تماما

معرفش ليه اغلب عربيات البنات كده يمكن لمجرد ان دي مملكتها الخاصه قوي اللي محدش بيدخلها غيرها خصوصا لو لسه لا اتجوزت ولا خلفت فعلا العربيه بتبقى بتاعتها وبس

يعني مش بالضروره حتبقى مكركبه بس حيكون فيها حاجات كتير خاصه جدا

حتلاقي مثلا تابلوه العربيه في حاجات مش منطقيه : جوانتي لزوم السواقه في الصيف عشان على اخر الصيف ايديها بتبقى سوداء زي ايدين الخدامين !!

حتلاقي نظاره ال 3 D  عشان لو راحوا سينما تكون معاها وبالرغم من كده بتنساها وتشتري كل مره واحده جديديه فبيبقى عنده لكشه نظارات !!

حتلاقي نظاره سواقه في جراب العربيه وبتبقى فوتوبراون لزوم السواقه

أكيد حتلاقي جزمه واطيه بدل ما تبوظ كعوب جزمها او تسوق حافيه عشان كده لو قابلت واحده سايقه وما نزلتش تسلم عليك او حتى غابت في النزول تعرف انها بتغير الجزمه !!!

حتلاقي مصحف جالها هديه من مامتها محطوط في علبه قطيفه

حتلاقي وايبس لما يطلع في دماغها تقوم على العربيه نضافه تستخدمها

عاده حيبقى في فواحه بروايح مختلفه وممكن لو خلصت تفضل برضه وتحط الجديده جنبها !!!

حتلاقي شنطه الجيم في شنطه العربيه حتى لو كانت كسلانه وما بترحوش

ممكن تلاقي في شنطه العربيه اسدال صلا ومصليه , صابونه , هدوم وحاجات غريييييبه ممكن ما ينفعش نقولها هنا :)

باسكت الزباله الحمراء مش حتلاقيها غير في عربيه بناتي

علبه المناديل على شكل دبدوب او بطوط او اي حاجه عجيبه مش حتلاقيها غير في عربيه بناتي

عمرك مثلا ما تلاقي عده ولا مفاتيح ميكانيكا في عربيه البنات بس حتلاقي دبايب وعرايس وميداليات وسبح الوانها حلوه !!!

عربيه البنت مكان مخصوص قوي ليها :

يعني مثلا ممكن تكون المكان الوحيد اللي بتكلم فيه نفسها وبرضه ترد على نفسها مستغله فكره الموبايل وان لو حد شافها مش حيقول عليها مجنونه بس حيقول بتتكلم في الموبيل

كمان ممكن تكون المكان اللي بتعيط فيه لو مخنوقهه او بتدعي ربنا فيه بصوت عالي

وهيه كمان المكان اللي بتشغل فيه المزيكا باعلى صوت وتقفل الشباك وتخليها تهز كل مشاعرها وتغني معاها كمان

العربيه هيه احلى مكان لخروجات صاحباتها يجيبوا الاوردر التمام ويدوها رغي وضحك وكلام في العادي ممكن ما يعرفوش يقولوه في اي حته

باختصار تجربه العربيه البناتي مش حيعرفها غير البنات مش باقولكم حكايااااااااات في عربيات البنات !!!!

Smart phones: Are you really smart

Once upon time we lived without cell phones and we were still reachable through normal communication tools (human ways!!!). We used to go out as friends (physically), we used to talk (personally) , meet and discuss things (intimately) at least through the land line phones or face to face
 

Then the miserable invention of cell phones took place, at that time you could reach any person at any time or at least send them SMS

 

 

Then they invented the polyphonic phones, the colored screens, added the radio, the camera ….. and increased our dependence on phones

All of the sudden later on we had the dam so called smart phone on which you have all you internet options, email, FB, Skype, viber , wtasapp, applications, and all have your history, personal data and personal communications so that you depend on it 1000% and if you forget it or lose it, it is a disaster!!!!
 

At first it was nice to have then the dependence on it is now scary. We no longer communicate personally and everything is now virtual. We share everything virtually, season greetings is a send to all option where it is turned into a task on your daily schedule instead of talking and sharing season spirits , your chat with friends became texting through whatever application !!!

Outings turned into each one of us checking in on FB, mentioning the persons they are with and location they are in

Instead of talking we text , in business environment : breaks that are intended to enjoy meals and socialize turned into smartphone company in which you see all people in canteen holding their mobile and chatting with somebody else outside the company, and when they are with that person they just leave them and chat with another one(s)

If you attend a meeting and got bored you start chatting with whomever using whatever tool or just send FB status bored and guess what?  Your meeting colleague start commenting with you on FB !!!

In family gathering or at home instead of talking everyone is holding their smart phone and chatting with somebody else

Some people go to the bathroom with the smartphone !!! people text while driving, in the supermarket, everywhere and guess what ? they are doing unnecessary conversations !!!

We lost the family and friend warmth and talk to each other’s wall!!!! as if we are in a big room (the internet) and each one is facing his / her wall and writing on it , come on look at each other and talk personally we are humans not screens of mobiles and laptops !!!

We now talk fluently on virtual media, and guess what when u face those persons you turn into “Batta Balady”!!!! And the cat swallows your tongue!!!

Our life is now behind screens, our feelings are virtual, and our outings are not intimate

I think the person (s) invented the social media in general, and smart phones in particular are technology geeks who are not sociable and wanted everyone else to be just like them so that they do not feel weird anymore  in the society and made everybody imprisoned behind a screen just as they are

I am longing to old days where we only had land lines and communicated in person, but you know what we have a responsibility towards ourselves we must resist the temptation of using them frequently, we should speak instead of texting, we need to do season greetings face to face or at least by voice call, we need to do happy birthday by personal interaction not FB post or posting song,  we must control them and not let them control us it is like technology invasion and we should stay free !!!

 

يوم التلات

بدردش مع جورج صديقي فقالي حاجه موتتني من الضحك " يوم التلات ده ملوش لازمه على الصعيد العادي وعلى الصعيد الديني" قلتله اشرح لي يا فصيح

قالي نبدا بالعادي :

السبت : اجازه عند ناس

الحد : اجازه عند ناس تانيين

الاتنين : اجازه الحلاقين

التلات: ملوووووش لازمه

الاربع : بنقول بكره الخميس

الخميس: بدايه الويك اند

الجمعه : اجازه كل الناس

 على الصعيد الديني:

السبت: صلاه اليهود

الحد: صلاه المسيحين

الاتنين: صيام عند المسلمين

التلات: ملوووووووووش لازمه

الاربع: صيام عند المسيحين

الخميس: صيام عند المسلمين

الجمعه : صلاه المسلمين , صيام المسيحين

يبقى فعلا التلات ملوووووووووش لازمه

ضحكت جدا على صديقي الفيلسوووف !!!

 

قصه قصيره: نصيب

في دردشه بناتي سألت واحده من صاحباتي ايه الحاجه اللي لو رجع بيكي الزمن مش حتعمليها

اتنهدت كده وبصت بعنيها اليمين لفوق وقالت لي مكنتش حاروح فرح فلانه سالتها ليه قالت لي عشان الشاب اللس شافتني اخته هناك وخدت نمرتي عشان تجوزني اخوها

 

سالتها وبعدين قالتلي حاصرتني سنه ومكنتش برد عليها بس لما غيرت موبايلي رديت لان النمره مكنتش على الموبيل الجديد

سالتها وبعدين

قالتلي استسلمت ونزلت قابلته وبعدين اتجوزنا

 

سكتت كده وقالتلي تفتكري المفروض مكنتش روحت الفرح ولا مكنتش اديتها النمره ولا مكنتش غيرت الموبيل ولا مكنتش نزلت قابلته ولا مكنتش اتجوزته

 

رديت وقلتلها نصيب ومكتوب !!!

 

قص ولزق

مره سالت هو ليه الوان واشكال البشر مختلفه مع ان الاصل واحد : ادم وحواء ؟ يعني جينيا المفروض كلنا نبقى شبه بعض !!!

مش فاكره مين قالي ان ربنا ارسل جبريل يجمع حفنه تراب من كل قاره قبل نفخ الروح في ادم (معرفش اذا كان الكلام ده صح ولا لاه)

عشان كده تلاقي الاصفر والابيض والاسود ..... اشكال والوان يعني الاصل في الانسان التنوع

مش بس كده ده لا يمكن تلاقي صباع زي التاني ولا حاجب زي التاني ولا نص الجسم اليمين زي الشمال وده في الانسان الواحد ده حتى التوائم المتماثله لازم يكون بينهم اختلاف

امال ليه عايزينا نطلع نسخه واحده من بعض؟

تلاقي في العيله الواحده بقارنوا الصغير بالكبير

في المدرسه يقارنوا الاطفال ببعض

الاهالي عايزه ولادها كلهم يطلعوا الاول (امال ين حيطلع التاني بس)

كلنا لازم نذاكر ونجيب الدرجات النهائيه عشان ندخل ثانوي عام , وبعد كده عشان ندخل الجامعه, ومش بس كده الجمهوريه كلها عايزه تدخل طب

ما قالوش ان البلد محتاجه التعليم الفني زي الما محتاجه الثانوي العام  , ولاالخريجين محتاجين الطب والهندسه والزراعه والحقوق ومعهد التعاون كمان

وبعد كده كلنا لازم كلنا نشتغل في شركات مالتيناشونال , امال مين حيشغل الحكومه, والاعمال الخاصه

كلنا لازم نتجوز بنفس الطريقه والعريس لازم يجيب شبكه زي معرفش مين قريبتهم وتفاصيل الجهاز معرفش زي ميين تاني

كلنا لازم نجيب عيل واتنين وعشره

وكل الناس عايزه الولد ونعيده تاني من الاول في الجيل اللي بعده

ونفضل كلنا copy and paste  من بعضنا ونعيش ونموت بنجري في نفس السبق مع ان اللي بيسبق ده اكيد عمل حاجه مختلفه عن الباقيين يبقى ازاي كلنا لازم نبقى استنساخ من بعض ؟؟؟ 

وتفضل حدوته الانسان العادي اللي عاش عااااااادي واتعلم عااااااادي , واشتغل عااااااادي , واتجوز عااااااادي, وخلف عاااااادي, و برضه مااااات عااااادي L

 

الحجر الاسود

الحجر الاسود هو حجرنزل من السماء من الجنه  عن طريق جبريل عليه السلام لما سيدنا ابراهيم اتم بناء الكعبه الا مكان الحجر وبه تم بناء الكعبه

 

الحجر ده كان نازل ابيض واسود من ذنوب بني ادم ياااااه ده احنا وحشين قوي

وهو اللي الرسول عليه السلام جمع كلام بني قريش لما اعادوا بناء الكعبه واختلفوا مين اللي يضعه في مكانه فوضعه على ثوب وجعل كل واحد يمسك طرف الثوب ووضعه بايده الشريفه في النهايه

وهو يمين الله في الارض من استلمه سواء تطوع او في الطواف فكانما سلم على الله عز وجل تخيلوا !!!!

ريحته لا وصف لها وملمسه انعم من الحرير موضوع في اطار فضه في ركن الكعبه

اول مره استلمته  يمكن كان عندي سبع او تمن سنين , انا فاكره امي شالتني ودخلتني ليه ولان راسي صغيره دخلت كلها في الاطار ده وشميت ريحته اللي عمري ما نسيتها

بعد كده لما سافرت لوحدي في رمضان من شده الزحام ما لحقتش اوصل له بالرغم من المحاولات المستميته للوصول له بس ربنا كريم قوي العمره اللي بعدها كانه عوضهالي مرتين بالصدفه البحته وكانه عوض اللي فاتت

انا فاكره كنا في الفجر ونزلت بدري عشان الحق اعمل تحيه المسجد (سبع اشواط طواف) وفجاه الاذان اذن والناس كلها خرجت من حوالين الكعبه ولقيت كان انفتح لي طريق ودخلت بمنتهى السهوله واستلمته , انا من فرحتي ضيعت الشبشب  ورجعت الفندق حافيه !!!

المره التانيه بعده بيومين وكنا وقت صلاه العصر ولقيتهم عاملين صفين واحد سيدات والتاني رجالي والستات كل اللي تدخل من الزحمه يتفك اشاربها اترددت شويه بس لان من طبعي بلبس ايشاربين مهمنيسش المهم واقفه في الركن اليماني وقلت مش مشكله اهي دعوه مستجابه في الحته دي حتى لو ما وصلتش  وبرضه فجاه طريق انفتح ودخلت بمنتهى الاحترام وخلصت وطلعت معرفش ازاي !!! اصله كريم قوي

في المرتين دول كنت بحس فيهم ان ربنا بيطبطب على الواحد ويقوله لسه الدنيا شايله افراح ومفاجات حتيجي حتيجي بس نرضى ونعبده صح لاني في المرتين ما قصدتش اوصله !!!

عن عبد الله بن عباس عن النبي صلى الله عليه وسلم أنه قال: «والله ليبعثنه الله يوم القيامة له عينان يبصر بهما، ولسان ينطق به، يشهد على من استلمه بحق» امين يا رب

يوم من عمري : في زياره المصطفى

وصلنا المدينه المنوره الساعه 10 بالليل يوم 18 رمضان سنه 2003  ووقتها كان الحرم بيقفل بعد التراويح مكنش لسه 24 ساعه

زعلت قوي لاني عارفه ان من اداب زياره المدينه اول حاجه تعملها تزور الحبيب

المهمم وصلنا الفندق وقلنا حنتسحر بدري وننزل قبل الفجر بشويه , بس انا ما جنيش نوم عارفين اللي مستني معاد حبيبه انا كنت كده ما جاليش نوم من انتظار الحدث ده

بالرغم من عيشتنا في السعوديه وعمراتنا الكتير الا اني عمري ما روحت المدينه في دي كانت اول زياره ليه

بعد السحور نزلنا انا وعمي وزوجه عمي ورحنا الحرم وزي ما انتم عارفين ان زياره الستات بمواعيد وكان اول معاد بعد الشروق واختكم مش نايمه صليت الفجر وقعدت اقرا قران للشروق في انتظار ال  rendevouz   بتاعي !!

وللي ما رحش : عاده في حركات تمويه انهي باب اللي حيفتح للزياره للسيدات , اصل بيني وبينكم الستات بيعملوا مهازل هناك فبعد ما وقفت عند باب فتحوا ابعد واحد فجريت عليه قبل ما يقفلوه ودخلت يمكن اخر واحده وفي الاتجاه للمسجد القديم انت حاسس انك بتقرب على هدف جميل وقلبك عمال يدق ورجليك تخبط في بعضها المهم وصلنا للمسجد القديم وبعدين هناك بيقسموا الناس افواج فقعدت استنى الفوج بتاعي وفجاه برضه : هجووووم المهم بقوه الدفع وصلت وفجاه السجاد الاحمر بقى اخضر اعلانا بدخول الروضه

 

فرحه ما بعدها فرحه و والله الجو اتغير والهوا معرفش جاي منين وراحه وسكينه لا حدود لها , اصلها حته من جنه ربنا ياااااه احساس مختلف. السلام عليك يا رسول الله , السلام عليك يا خليفه رسول الله , السلام عليك يا امير المؤمنين عمر بن الخطاب مع ان الجزء المفتوح من الروضه هو غرفه عائشه وليس القبر (احنا بندخل من ورا مش من جهه القبر)  يومها زعلت قوي اني ما دخلتش من ناحيه القبر بس تعرفوا ربنا اصله كريم قوي بعد كده انا دخلته في الحلم وشوفته بالظبط زي التلفزيون !!!   

من الزحام صليت وانا واقفه احلى ركعتين في حياتي !!! بعد شويه فضي مكان قدام فصليت بسجود وركوع ومن الزحمه الماليزيات فكروني منهم فعملوا كردون حواليه عشان محدش يدوس عليه !!!  

اللذيذ في الموضوع ان زمايلي في مصر كانوا كاتبين لي ورقه فيها اسم كل واحده والدعوه اللي هيه عايزاها , ف وانا بقرا الورقه نسيت مين دول !! مين مروه ومين مها ومين ومين ومين ....... بس دعيتلهم بجد والله

اكتر حاجه بقه وجعت قلبي يوم مشايانا من المدينه : لازم من اداب المدينه اخر حاجه تسلم على الرسول وتستاذنه بالرحيل دي بقه اللي بكتني من قلبي وانا باعملها

بس عارفين ربنا اللي دخلها لنا في الدنيا لا يمكن يبخل علينا بيها في الاخره اصله كريم قوووووي

السلام عليك يا رسول الله , السلام عليك يا خليفه رسول الله , السلام عليك يا امير المؤمنين

https://www.facebook.com/#!/562451227215431/photos/a.562476710546216.1073741828.562451227215431/585870421540178/?type=1&theater