Failure to launch

For those who have not watched the movie: it is about a 35 years old man that still lives with his parents and is afraid of commitments and moving out of their house , they search for a therapist to convince him to leave their house through acting as if she is in love with him until he moves out of his home to share his new house with her

Each time I watch this movie I laugh a lot comparing their situation with the Egyptian situation, we in Egypt (and Arab world) would never accept any of our children (even if they are over 30s or 40s) leaving their parents’ house for any reason but marriage of these Children who are really big children, and the situation does not change if this “child” is a man or a woman !!!

Once I had this conversation with a German friend when she asked are you married? , I said no , she asked “ do you still live with your parents?” I laughed and said” yes” and then she started asking about how I feel about living with my parents in my age !!!.  I explained that culturally this is not accepted even if I can afford moving out and she replied I moved out of my parents’ house since I was 16 !!!

And here when speaking about moving out it is for the feeling of independence and that you can drive your own ship not for reasons of being free or “ 3esh 3ala 7al sha3rek”

But our society would never accept this and sees the only reason for moving out is for getting married only , so what if I do not get married for any reason do I still have to live with my parents!!!  It is about the space you want for yourself and feeling of your independence and not of being in-obedient “child” if you refuse their refusal of your moving out

A friend of mine when she travelled alone and relocated outside Egypt ,she explained her first night at her new location as the feeling of bride and that the happiness she had was equivalent to any newly married bride , the feeling of your OWN HOME is a feeling that is never comparable to anything else

In our great society even a man can’t have his own home even if he can afford it and his neighbors would see him as a womanizer for no reason but only for living alone

Even in a lot of cases the “child” would not  leave with his parents even after marriage !!!  either in the same apartment, in the same building or even in the same area according to the social level of the “child” and will have to go back to family’s house if his marriage ends for any reason !!!

My dream is to have that small studio flat I see in IKEA each time I visit them that is about 25 miters , where, when, how do not know  but one day this dream will come true !!!!

https://www.facebook.com/562451227215431/photos/a.562476710546216.1073741828.562451227215431/665790203548199/?type=1&theater

النوبه رايح جاي

اجمل مكان ممكن تروحه هو النوبه , الطريق لانشات في النيل تاخدك من مكان اقامتك لحد ما توصل النوبه

والمزاجنجيه اللي زي حالاتي يطفشوا من الدور الاولاني بدوشه العيال ورغي الستات وسجاير الرجاله , فيطلعوا على طول الدور اللي فوق, ما تقوليش بقه مفيش سور ولا حاسبي تقعي ولا الكلام ده ساعه التامل لا تعوض تبقى محظوظ جدا لو لقيت شلته ولا كليم تقعد عليه وتستربع ولو مفيش ربنا يخلي لنا البنطلونات الجنز 

ياخدك اللانش في رحله تتمنى ماترجعش منها بالظبط زي عمنا يحي الفخراني في خرج ولم يعد

زرقه النيل لا توصف واتساعه جبار وصفاء الميه ملوش وصف لدرجه انك ممكن تشوف الصخور تحت الميه

تمر في وسط صخور الصوان اللي اسوان اتسمت عليها واللي من كتر صلابتها ولا فارق معاها النيل والميه والكلام ده , ممكن تعدي كمان في وسط الهيش اللي بالرغم من انه هيش بس برضه رائع الجمال
يمين وشمال الزرع ووراه على طول الصحرا ازاي ما عرفش في لوحه فنيه غايه في الجمال

والجزر يمين وشمال والحجر يمين وشمال ومناطق الدوامات يمين وشمال والحمام والهداهد يمين وشمال ايه الروقان ده وتعدي على اغاخان وتسمع الحدوته الرومانسيه بتاعته وتعدي على بيت محمد منير وتشوف الفيو العظيم اللي ابن المحظوظه بيبص عليه كل يوم

توصل النوبه ببيوتها الجميله الملونه ومحلات العطاره بكل الوانها البديعه وروايحها الغريبه تمشي في شوارع ضيقه مليانه جمال وأحصنه

تدخل البيت النوبي ياسرك بجماله بزير الميه الساقعه اللي ملهاش مثيل وعادي جدا تشرب من الكوز الالمونيوم ما طول السنه بنشرب في الكريستال ايه المشكله !!!

تلاقي الزخارف والفستونات في الحيطه وتلاقي قفص التماسيح وتلاقي صنيه العيش الشمسي والمش والعسل الاسود اكله عاااالميه وتحلى اكتر واكتر بلمه الصحاب وصوره من اجمل ما يمكن ما حدش فيهم يقدر ينساها

وبعدين ينزل براد الشاي التمام ابو نعناع اللي تشرب وانت مربع عالمصطبه بمنتهى الانتعاش والروقان وبعدين البنات تقوم تحني ايديها بنقوشات الحنه البديعه

ثم تيجي رحله العوده تاني زي رحله الذهاب وتلاقي نفسك برضه اول واحد ينط عالدور التاني عشان يستكنيص بجمال النيل لوحده

شويه على بال مالباقي يطلع يفسد عليه خلوته


https://www.facebook.com/562451227215431/photos/a.562476710546216.1073741828.562451227215431/659951287465424/?type=1&theater

على الصن ديك

في كروز النيل من اسوان للاقصر طلعت على الصن ديك , خدت كرسي وروحت لمقدمه السفينه , حطيت سماعاتي في وداني وشغلت مزيكتي المفضله ميكس كده من مزيكا هاديه على شويه تانجو  , ونظارتي الشمس وضربت سما وصحرا ونيل ومناظر ومزيكا لمده 5 ساعات من احلى 5 ساعات من سنتين ( من اخر نفس القعده دي من سنتين)

تجربه مريحه للاعصاب بشكل لا تتخيلوه , ودفا الشمس نازل على وشك ونسمه الهوا تحرك روحك , ولما تاخد اعمق شهيق تقدر تاخده ويوصل الهوا النضيف النقي ده لاخر خليه في جسمك حاجه كده تعمل استرخاء لكل جسمك خليه خليه مع كل نفس تتنفسه 

ولما تعلي المزيكا دوشتها في ودانك بصوتها المجسم تظهر تقاسيم توزيع الالات تجيلك الدرامز في الودن اليمين واوتار الجيتار في الشمال في احلى مزيكا لاتيني تسمعها فتلاقي نفسك شايف كابل حلوين بيرقصوا عليها صلصا ولا تانجو, ولما التراك يقلب ويجيب تانجو saint of a woman  تشوف ال باتشينوا في مشهد الرقص الشهير بتاعه وتقرر انك في يوم من الايام حتتعلم تانجو وترقصه كمان (نفس القرار ده خدته من سنتين برضه !!!)

على مدد الشوف النيل وااااااسع ونضيف ولونه ازررررق ونقطه التقاؤه مع السما تتوه الازرقين في بعض لدرجه ما تميزش فيها مين السما ومين النيل ولو سرحت في السما تتخيل اشكال السحاب مره قطه ومره بطه انت وظروفك بقه !!!

تبص يمين تلاقي مزارع النخيل وخضره هايله وتلاقي نخلتين تلاته وساعات لحد خمسه طالعين من نفس الساق في مشهد اكتر من بديع  وتبص شمال تلاقي الجبال والصحراء وفي نفس اللقطه تظهرلك جزيره في وسط النيل ومزارع رايق وتتخيل غناه وهو بيسلي نفسه مع كل ضربه للفاس في الارض, وفلوكه صغيره بتنقل كام واحد من البر الغربي للبر الشرقي وتلاقي نفسك سامع صوت المراكبي بيسلي الزباين على غناه وتسقيف زباينه وانسجامهم كلهم بالرغم من ان كلهم ممكن ما يكون شمعاهم تمن اكل العيال اللي في البيت بس اهه بيزقوا في اليوم ويعاندو مع الدنيا  

وتلاقيك قاصد تقعد قدام قوي وكانك سايب المركب باللي فيها او حياتك حتى باللي فيها ورا ظهرك ماهي الدوشه موجوده موجوده حتروح فين يعني فتعمل نفسك مش شايفها ولا سامعها وتعلي المزيكا اكتر واكتر فتكتشف ان الغصن اللي في الزرعه اللي قدامك هو كمان بيرقص لاتينو مع الكابل اللي شفتهم من شويه 

تبص في الميه تلاقي سرب طيور ماشي يتمتخر وشويه ويطيروا سوا ويتقسموا اتنين اتنين وتحسدهم على الحريه والطيران والحياه البسيييطه وتتمنى لو ربنا خلقك بجناحين عشان تعيش حر في وسط الروعه والجمال ده 

وبعدين فجاه المشهد البديع ده يتفصل برنه الموبيل وتلاقي النمره غلط !!! قمه الفصلان يالا نتقابل الكروز الجاي بس يا ترى حاكون 

اتعلمت التانجو ولا لسه ما حدش عارف !!!!

https://www.facebook.com/562451227215431/photos/a.562476710546216.1073741828.562451227215431/658429314284288/?type=1&theater

عندي وجع قلب بحلم

 وجع اسمه المشردين في الارض بني ادمين زينا بالظبط لا بيت ولا عيله ولا حياه اصلا . الفرش اسفلت والغطا السما اما الجيران قطط وكلاب الشوارع

الاكل فضله خيركم , ماهو فعلا فضله خيركم بس بعد ما عدى على اشكال والوان زباله وتلوث على شويه تحلل ماهو مش بمزاجهم

...

حتقولي يشتغل حاقولكم نصهم مرضى نفسيين , او اطفال هربت من قسوه زوج ام او مراه اب

حلمي بيت في كل حي يلمهم وينضقهم ويعالجهم ويعيد تاهليهم ويعلمهم صنعه يسترزقوا منها ويفضلوا فيه برضه بس المره دي يدفعوا ايجار ويردوا الجميل للي بعدهم لحد ما يقفوا على رجلهم ويسيبوا الدار

ماهو البني ادم اكيد مش عايز يعيش في الشارع ولا ياكل من الزباله فلما تنضفه وتعلمه وتاهله اكيد مش حيرضى يرجع تاني

وجعوا قلبي في الكام يوم البرد اللي فاتوا لا غطا ولا ستر ولا لقمه نضيفه

اقولك , يمكن لما تبني انسان يكون عند رب الانسان احسن من بيوت رب الانسان اللي اوقات كتير فاضيه ومقفوله

ما تيجو نحلم سوا الحلم ده واللي فيكم يقدر يوصل صوتنا لجمعيات ومنظمات تتبنى الفكره وتنفذها

حننقذ ناس كتير قوووي واولهم نفسنا من طوفان من المشردين واطفال الشوارع اللي في زياده مرعبه كل يوم, ومن حساب ربنا لينا اننا شفناهم وبصينا لهم بقرف وما عملناش لهم اي حاجه

I Have a pain turned into a dream

Pain called homeless people , normal people who sleep in streets, cover with sky and their

neighbors are street animals and rodents

Their food is your trash after being mixed with all sorts of decay and contamination

You may say they should work, and I will say the majority are psychopathic

My dream is shelter in each district where they are rehabilitated, trained and treated with humanity , teach them a manual job from which they can earn money and return to normal human

They will remain in shelter but this time paying return for the coming generation until they become capable of being independent and return normal citizens

And I am sure that afterwards they will never

go back to street as it is a human need to be a human, treated as human, to have proper home, food, and family

Lets dream together and whomever of you can promote the idea and make it reachable to NGOs who sponsor and fund the idea to save them and us from the pain and suffering in their sides , pain and suffering from our conscious

دي لينك صفحه جديده عملتها بعد ردودكم على يوميات غلبان بردان

لو تنشروا الفكره , يمكن الحلم يبقى حقيقه , مين عارف smile emoticon

https://www.facebook.com/pages/Shelter-for-homeless-in-Egypt%D8%AA%D8%A7%D9%87%D9%8A%D9%84-%D9%88%D8%A7%D9%8A%D9%88%D8%A7%D8%A1-%D8%A7%D9%84%D9%85%D8%B4%D8%B1%D8%AF%D9%8A%D9%86-%D9%81%D9%8A-%D9%85%D8%B5%D8%B1/343325439209279?sk=likes#!/pages/Shelter-for-homeless-in-Egypt%D8%AA%D8%A7%D9%87%D9%8A%D9%84-%D9%88%D8%A7%D9%8A%D9%88%D8%A7%D8%A1-%D8%A7%D9%84%D9%85%D8%B4%D8%B1%D8%AF%D9%8A%D9%86-%D9%81%D9%8A-%D9%85%D8%B5%D8%B1/343325439209279

قعده شاي بالنعناع , شكرا

كان زمان اسمها يوميات بنوته مفروسه وكنت باتكلم فيها عن مجتمعنا العظيم , وما عرفش ليه ما كنتش قايله انها بتاعتي وكاني كنت  اكتب باسم مستعار وعشان كده ما انتشرتش

فجاه قلبت عليها وبطلت اكتب فيها ونسيت حتى بادخل عليها ازاي ...
من سنه بالظبط قررت اجرب انشر الخواطر من اللي بنكتبها في كتاب وأنا باذاكر ولا في قصقوه وتدفسها في مكتبك ولا اي مكان وكان ده الهدف منها , وكنت في اجازه سنويه في ليله بالليل قوي , دخلت على بلوجر عشان اعمل واحده تانيه , لقيت الاولانيه بس من باب التفاؤل والتغيير قررت اغير الاسم وافتحها تاني , والغريب ان البوستات القديمه ما لقيتهاش فقلت بدايه جديده وبالمره قررت اني اقول انها بتاعتي وانشرها بين صحابي

وبوست عن بوست اكتشفت انهاعجبتكم مع فرقعه لكام بوست زودوا القرايه والمتابعين, بس فضلت مشكله انها تقيله من عالموبايلات , او ان الناس مش بتعرف تبعت ردود لو ما عندهمش حسابات على جوجل بلس ففتحت الفرع التاني ليها على فيسبوك وده اللي كان مفاجاه بالرغم من اني كنت حابه المدونه الاصليه وخايفه عليها خوفي على طفل لسه بيحبي لا يقع ويتوه من نسخه الفيسبوك

صفحه فيسبوك لقيت فانز كتير والبوستات انتشرت قوي وبقت شويه مشهوره وتفاعلكم معاها كان مفاجاه ليه

النهارده بقالي سنه بعد اعاده فتح البلوج , بقولك يا مدونتي العزيزه انا بحبك قوي وطلعتي كل الطاقه السلبيه جوايه , شوفتي كل الغضب من الناس والبلد والمجتمع, بكتيني كتير وانا بكتب بعض بوستاتك, فرحتيني بناس فوجئت بمتابعتهم ليكي , وردود فعل الناس حواليه

 لكل واي حاجه كرهاها او خايفه منها ما بقيتش لا كرهاها ولا خايفه منها لاني ببساطه اتشجعت وكتبت عنها وبصوت عالي وعلى الملا من غير خوف ولا غضب

مدونتي العزيزه ليكي ناس بتقراكي من بلاد يمكن ما اعرفش فيها حد امريكا وكندا والمانيا وسويسرا والصين , وروسيا واندونسيا , اليابان, المغرب , الجزائر ,اوكرانيا, السعوديه الكويت, الامارات, البحرين ,عمان الاردن , انجلترا, تركيا ,سوريا , تونس, السودان حتى اسرائيل !!!

المدونه الاصليه زارها 9500 زاير في سنه وصفحه الفيسبوك14000 في خمس شهور , وعندنا 404 فانز رسميين على فيسبوك

البوست ده هو البوست 144 يعني انا رسمي ام 144 بوست !!! , لا اخفيكم سرا ان في بوستات كتير ما اتنشرتش سواء لخصوصيتها الشديده او لان الدور لسه ما جاش عليها اصل الغزاله لما بتروق ممكن اكتب 4 او 5 بوستات مره واحده وممكن اقعد بالاسابيع مفيش اي مزج او افكار .

شكرا لكل اللي قرالي وشجعني ورد عليه وتفاعل معايا , شكرا ليكم كلكم ويا رب ما اقفلها زي ما عملت قبل كده

ايه رايكم فيها وبصراحه ووالله ما حازعل من اي نقد او عتاب او توجيه
ايه اكتر بوستات عجبتكم فيها وبرضه ايه اللي ما عجبكوش فيه؟

كل سنه واحنا طيبين


https://www.facebook.com/562451227215431/photos/a.562476710546216.1073741828.562451227215431/651918198268733/?type=1&theater

السي في

لسي في او السيره الذاتيه هيه ملف من 3 او 4 ورقات على الاكتر تحكي فيه سيرتك المهنيه من يوم ما اتخرجت لحد يوم ما تقدمها لاي حد او مكان على حسب الهدف لمطلوب منها

تقعد تاخد في كورسات عشان " السي في"

تنقل من مكان لمكان عشان " السي في"

تسافر وتتغرب عشان " السي  في"

وتكتب فيها اول باول لا تنسي تنتوفه صغيره من هنا ولا هناك

وتنسى " السي في " الاهم : كتاب حياتك اللي حتقدمه لربنا يوم القيامه

تنسى انك 24 \ 7 بتكتب فيه كل واي حاجه بتعملها وتفكر فيها من يوم ما اتكلفت ليوم ما تموت ومش بس كده ده انت مش بتكتب ده انت بيتكتب لك فيه من كاتبين مالكش عليهم اي تصرف ولا تقدر تفبرك ولا تغير في الاحداث

لفت نظري قوي الموضوع ده من كام يوم والفكره الحت اكتر مع موت ملك السعوديه والمقدمات اللي تبارت فيه القنوات لتلخيص " السي في" بتاعه الملك الجديد وولي العهد وولي ولي العهد مع ان كل الناس دي يمكن ما لفتش نظرها ان الملك الراحل شخصيا 
اتشال ملفوف في كفن واتساب في حفره في الارض وخلاص  

طوبى للغرباء

مره باحكي مع واحده صاحبتي فقالت لي : تعرفي انا بادعي على اهل فلانه عشان قله التربيه وسوء الاخلاق , ازاي اهل يقدموا للمجتمع نموذج بهذا السوء وهيه بعد كده تطلع ولادها اسوا ويفضل السلسال مكمل من سئ لاسوأ

بس تعرفوا ايه اللي اسوأ من اهل فلانه دي؟ الاهل اللي بيربوا ولادهم زياده عن اللزوم

ربوا ولادكم انهم يبقى عندهم اخلاق بس يفهموا ان حيقابلوا قله الاخلاق برضه

ربوا ولادكم عالصدق والامانه بس برضه ربوهم عالحرص من الكدب والخيانه والقدره عالتميز

ربوا ولادكم ان الكدب حرام بس ده مش حيمنع وجود كدابين كتير قوي

ربوا ولادكم عالوفاء والاحترام بس برضه يفهموا ان الخيانه موجوده

ربوا ولادكم عالاتقان بس تقبل ان هيبقى في اللي بيهمكوا ويمكن يوصلوا قبلهم وهمه فاضيين من جوه

ربوا ولادكم ان ممكن جدا الناس تضحك في وشك وفي ضهرك يخبطوك باتلم سكينه

ربوا ولادكم عالثقه في الناس ببس برضه الحرص منهم

ربوا ولادكم انهم يخلقوا لنفسهم قوقعه او صدفه من الامان الداخلي ورمي طوبه العالم من حواليهم عشان تحميهم من صدمه اكتشاف كل ده

ربوا ولادكم عالغربه مع الناس والصحبه مع النفس

ربوا ولادكم انه طوبى للغرباء