عندي كميه بوكماركس رهيبه
منها ذكريات جواز اصحابي ( اه اصحابي بيعملوا giveaway جوازهم بوكماركس ) ، تذاكر اوبرا، هدايا دور نشر ، تذاكر متاحف بره ، كل حاجه فيهم لها ذكرى مميزه
المهم كلهم فجاه اختفوا لاني حاطاهم في ظرف كبير غالبا اتدفس ومش لاقيه
بامد ايدي ورايا شديت حاجه تنفع بوكمارك لقيتلكم ايه تذكره فيرونا اللي بعدها طلعت على فينيسيا
بصيت لها كده وافتكرت اليوم في غمضه عين
وفجاه تضحك من الودن دي للودن دي وترجع تغوص مع الغيطاني في ذكرياته
الاجمل أنه بالصدفه ومن غير ما اقصد الكتاب اللي معايا امتداد طبيعي لكتاب التجليات وكأنه مصر يحكي لي ويكملي الحدوته
ومن كتر ما باتفرج عليه كل يوم على دريم لقيتني بإقرا الكتاب بصوته كانه هو اللي بيحكي لي بنفسه حدوته كل يوم
رحمه الله عليك يا جيمي زي ما ابنه في الكتاب كان بينده عليه
ليست هناك تعليقات:
إرسال تعليق