Follow by Email

الأحد، 23 فبراير، 2014

The specifications


Why do we deal with the marriage thing as a bunch of dammed specifications?

The job, the financial capabilities, the family, the gifts …..

As if the groom is an ATM machine and the bride is a gift to be exchanged in return!!!!

If you love someone you will only want him/ her regardless of the silly details

If this person is ever somewhere in the world you would rather exchange your years in return of being just with him / her

If this person is ever somewhere any song you would ever hear; his/ her image will be in your mind regardless where you are or with whom you are

If this person is ever somewhere any story you would read; he / she would be the hero of the story

If this person is ever somewhere; he / she will be the only person to wait for

If this person is not even there; then nothing could take his/ her place and you would rather continue life dreaming of the dream of someone instead of dealing with silly stupid financial details

If this person is ever somewhere you will know him / her as soon as you start saying hi. He /she will just penetrate your Soule and you will feel the magic and listen to music immediately, you will know him / her immediately because he / she is not your other half,   he is you but in a different shape!!!

So dear silly specification would you just go to hell?

الأحد، 16 فبراير، 2014

حاجات بسيطه قوووي


حاجات بسيطه قوي تفرق في يومك وأحيانا تحسسك انك محظوظ , اه والله محظوظ !!!

يعني مثلا لو الصبح بتدور عربيتك او حتى راكب ميكروباص وتلاقي الراديو جايب اغنيه لفيروز

أو مثلا جه على بالك حد لقيته بيتصل بيك

لو بنوته صغيره في عريبه ضحكتلك من غير سبب ولا شاورتلك باي

او طفل اول مره يشوفك ويضحك لك

أو حتى وحشك حد مات وجالك في الحلم

لو في عز ما انت زعلان سمعت سوره يوسف بالصدفه وتحس انها بتطبطب عليك

لو في عز يوم تقيل تروح تاخد دش وتقلب القنوات تلاقي فيلم بتحبه

لو في ييوم بتقلب في صور جت في بالك ذكرى يوم حلو مع صحاب

قعده حلوه مع عيلتك واكله حلوه وضحكه من القلب

ابوك او امك اللي في العادي صادد نفسك تسمعه من وراك بيمدح فيك وانك احسن ابن او بنت

حد اديته صدقه وضحك في وشك ودعى لك

حته شغل حلوه تعملها بمزاج عشان مزاجك مش عشان مديرك

مزيكا حلوه وكتاب جميل في جنينه في يوم شمس في الشتاء

كوبايه فراوله ساقعه

ايس كريم في الشتاء

كوبايه شاي بالنعنعاع وانت بتكتب في بلوج بنفس الاسم

كلمه مالك من صاحب قريب وتقول مفيش يقولك على بابا !!! مالك وتلاقي حنفيه دموع فتحت من غير سبب بعدها راحه ورضى ملهمش سبب لانك حسيت ان حد حس بيك وشاف روحك ووجعك وريحك من غير حتى ما يقصد

سجده ودمعه ودعوه متشاله لك وقت عوزه

يوم ما رجع لك حقك او حتى حد رد غيبتك

دعوه في يوم وانت نازل

او حتى مشوار كنت حامل همه ولقيت اللي يعمله لك

حفله او اكله مكنتش موجود ولقيت اللي شايل لك منابك بكل حب وود اصلها مش حكايه اكل اصلها حكايه ود

حاجات كتير ممكن تشوفها وتحسها او حتى تعرف بيها بعد وقتها بس بتحس فيها انك موجود , محظوظ , انسان وبس بتفرق معاه الحاجات الصغيره وبس الصغيره !!!! اصلها في الحقيقه مش صغيره اصلها كبيره قوي عند اللي يحسها ويقدرها !!! اصلها ببساطه بتحسسك انك لسه انسان !!!!!

 

الخميس، 13 فبراير، 2014

Valentine’s day


What is the point of dedicating one day to celebrate love?
If you have love “whatever type of love” you need to cherish it and celebrate it and count it as a blessing every day in your life not one day a year !!!!


What is the point to have Arabic one and another universal one?
Do we as Arabians love more than all the persons in the globe? If so why do we have all these wars and conflicts, deaths everywhere?


What is the point of bursting red everywhere, hearts, flowers and chocolate? If you love one person “again by any type of love” it is enough for him or her just be around you, hear you and enjoy being yourself and only yourself with him or her as a lover as a friend or as any other type of human being relationship


What is the meaning of love if you don not love yourself enough, to cherish yourself for whom you are? Unless you have this self-esteem and that you complete yourself and that you are stratified about whom you are no one else could give this to you but you!!!!


We need to teach ourselves to express feelings; and all types of feelings happiness, sadness, love, respect, pain ….. , and teach it to new generations as well, not the way our parents taught us that tears and fears should be hidden and should not be expressed!!!!


They are just feelings and feelings should be expressed. As simple as that to give out the negative energy you feel to be able to replace it by positive energy to be able to continue your inner peace and thus enjoy your journey with all your feelings, your fears, your joy, your hope and your life. It is YOUR OWN LIFE and no one else but YOU should decide how it should be BUT YOU.






 

الجمعة، 7 فبراير، 2014

صوره الدفعه:

معرفش ايه اللي فكرني بيها النهارده
اللي يبص على صوره الدفعه بعد 14 سنه خدمه في ثانوي يكتشف اننا اتغيرنا قوي والدنيا حوالينا اتغيرت قوي بس في حاجه واحده مشتركه بينا كلنا هيه حبنا للايام دي وحنينا ليها وان الصداقه الحقيقيه اللي بدات ايامها حتى لو ما اتقابلناش ولا اتكلمنا يوم ما حنشوف بعض حنتكلم ونحكي كانا سايبين بعض انبارح !!!
اليوم ده كان يوم جميل قوي نزلنا من السكشن اعتقد كان صيدلانيات على اننا نتصور الصوره اهي كام منظر وخلاص ونرجع نكمل السكشن بس اللي حصل اننا انتشرنا في الجامعه بعدها كل جروب عايز ياخد اكبر قدر ممكن من الصور مع بعضه مع انه ما كنش اخر يوم ولا حاجه بس ما تفهمش ايه اللي خلانا نعمل كده
الدكاتره الي اتصوروا معانا ما كانوش كتير عميد الكليه والوكيل و5 او  6 دكاتره وخلاص يمكن لان المسافه في حلوان كبيره فمش كلهم كانوا موجودين او جايز ما صدقوا يخلصوا مننا فما كانوش عايزين اي ذكرى معانا ؟ يجوز !!!
الصحاب: فجاه اتفرقفنا وقت الصوره وما اتصورناش جنب بعض وكتير من الجروبات حصل عندهم كده بس الغريب ان تقريبا كل واحد اتصور مع سكشنه حتى لو مش صحابه , الكابلس طبعا كانوا مع بعض, اللي اتعينوا معيدين اتصوروا مع بعض يعني كان في اعتبارات خارجيه وقت الصوره !!!
اللي بان فينا قوي اول صفين تلاته , اللي مش ناسياه مينا لما قال ابحث عن "ن" حلوان تجد مينا
كان جبي من اليمين دولت اللي معرفش فين دلوقتي , ومن الشمال شيماء الله يرحمها, ايام ما ماتت كل اللي افتكرته واثر فيه وصدمني : دي كانت جنبي في الصوره , قد كده الصوره دي مهمه عندي لدرجه اني اختزلت علاقتي بشيماء بانها كانت جنبي في الصوره بس والله كنت بحبها قوي وزعلت عليها قوي قوي
بعد سنين لما الدفعه عملت صفحه على الفيسبوك حطينا الصوره كنوع من النوستالجيا لبعض وكوسيله لتجميع بعض اللي عارف حد يعمله تاج واهه نعرف نتلم تاني بس المفاجاه ان في ناس زعلت قوي عشان زوجاتهم ماكانوش محجبات في الصوره ودلوقتي لا يجوز فشيلناها . نسيوا كل حاجه وافتكروا دي !!!
دلوقتي لما تلاقي حد منهم بالصدفه بتبقى طاير بيه حتى لو ماكنتوش انتيم ايام الكليه لسبب واحد هو الحنين للايام الجميله دي, انا كنت ومازلت مسمياها العذاب الجميل , صعبه ومتعبه الكليه بتاعتنا بس مسليه وجميله جدا. أنا فاكره مينا مره قابلته بالصدفه في شارع رمسيس وكنت ماشيه عكس اتجاهه بالعربيه كان حيسيب اللي في ايده ومشاويره عشان يوصلني . ولا لما مره كتبت على الفيس اطلب من الناس يقولوا موقف ليه محدش قادر ينساه وساعتها دخلوا فكروني بحاجات انا نفسي نسيتها كان يوم جميل افتكرت فيه ذكريات حلوه جدا
 
الغريب ان في ناس ماكانوش صحابي ايام الكليه وبعد كده في الشغل او حتى من خلال الفيسبوك بقوا صحابي يمكن السبب الاساسي هو الحنين للايام دي أوحتى وجود ذكريات مشتركه لمكان كلنا بنحبه جايز برضه
 
اكتر حاجه مزعلاني بقه في موضوع الصوره ده الاسامي اللي اتنست لكتير منهم , ايام الصوره مامتي قالتلي اكتبي الاسامي عشان حتنسيها , قلتلها أنا انسى اساميهم ؟ لااااااا يمممممممكن !!!! بس الحقيقه ان في ناس كتيييير منهم مش فكره اساميهم ولما باشوف حد منهم باتجنب ذكر الاسم
 
في كتير منهم كمان معرفش فين اراضيهم في اللي سافر واللي هاجر واللي مات بس حتفضل الصوره دي بالذات ليها مكان خاص وذكرى خاصه  
بس اللي الدفعه كلها مش ناسياه في الصوره شخصيه مش من الدفعه ولا من معارفنا خالص سميناه فضولي زي بتاع مجله ماجد , دخل اتصور معانا في كل الصور وكل المناظر !!! ده حتى ايام ما كان كل واحد بيختار المنظر اللي عايزه يطبع له كانوا بيسموا الصوره بيه : الصوره اللي فضولي على الشمال , المنظر اللي فضولي على اليمين , .... كده يعني ويبقى السؤال اللي مش حنعرف له اجابه : هو ليه اصلا اتصور معانا ؟
 

الأحد، 2 فبراير، 2014

في الصيدليه

مفيش صيدلي الا لما لازم يعدي على الصيدليه في مرحله من مراحل حياته


يعني مثلا قبل ما ربنا يفتح عليه ويشتغل في شركه ولا حتى مستشفى أو حتى لما يقرر يعتزل الحياه ويفتح لنفسه بزنس خاص
الصيدليه للصيدلي زي ما بيقولوا سواء كانت ملكيه خاصه او حتى واخد له شفت يسلي نفسه بيه

بنحصل مواقف كتيره تموت من الضحك في الصيدليه اما لان الزباين فاضيه واتعودت عليك لانهم بيعتبروك واحد من العيله أو نتيجه لساذجه اللي واقف لانه خريج جديد او حتى قليل الخبره بالتعامل مع الجمهور
اصل التعامل مع الجمهور ده فن برضه

اخر عهدي بالصيدليات كان يجي من سبع سنين بس حصلي فيها مواقف تفطس من الضحك من ايام ما كنت بنزل تدريب في الصيف او حتى في صيدليه التطعيمات في المصل واللقاح . المواقف اللي جايه دي يا حصلتلي شخصيا يا حصلت قدامي  بس وعد حتضحكوا من قلبكوا

د عزت والمسابقه : كنا حوالي 3 او 4 تدريب وكان دايما يقرا الروشته بصوت عالي ويشوف مين حيجيب الدواء الاول وساعتها كنا بنتكعبل في بعض ونخبط في بعض وكان الدليفريه بيضحكوا من قلبهم علينا واللي يجيب الشرب أقراص واللي يجيب الأقراص لبوس وكانت هيصه !!!

اول حقنه في حياتي  كنت البنت الوحيده في الصيدليه  ولسه تدريب وجت واحده حامل محتاجه حقنه حديد (ودي من ارذل الحقن اللي ممكن تديها) ود عزت عبى الحقنه ودبسني قدام الزبونه اديهالها وانا اتسمرت مكاني وقلتلها بلاش وهيه عماله تضحك وتقولي ملكيش دعوه لدرجه ان بعد ما دخلنا المعمل قعدت اتحايل عليها " يا أم بدوي بلاش .... بلاش يا أم بدوي " وهيه بتقولي ما تخافيش انا عارفه انك بتعرفي , في اليوم ده عرفت ان ايدي خفيفه لانها محستش بيها وشكرت فيه عند صاحب الصيدليه

 انا وأختي كنا بننزل نفس الصيدليه وبيقولوا اننا شبه بعض , المهم اول مره نزلت الصيديله جالي زبون ومراته وطول ماهو في الصيدليه عمال يندهني باسمها وأنا مطاوعاه ومش عايزه اكسفه وبيني وبينكم قلت ما اشوف إحنا فعلا شبه بعض ولا لاه المهم خلص وخرجوا من الصيدليه ووقف هو ومراته بره يتخانقوا على باب الصيدليه بعدين رجعوا فالست بتسالني هو انت د. ...... قلتلها انا اختها راحت دبه في الارض زي الأطفال : " شفت مش قلتلك مش هيه" اتاريهم واقفين يتراهنوا انا هيه ولا مش هيه !!!

 مره تانيه واحد عجوز متصابي اشترى صبغه واختار اللون من الكاتالوج وجبناه له صح وتاني يوم جاي بقه بدل ما شعره يبقى بني قلب احمر اتاري الصبغه المتعبيه في الانبوبه متعبيه بلون غلط بس كان منظره يموت من الضحك بس صعب علينا قوي !!!

في العيد الكبير الخروف بتاع جيراننا في الصيدليه جاله اسهال ومرضيوش يدبحوه والست خدت له كميه ادويه مش طبيعيه وكل شويه تكلمني تسال الاسهال ما وقفش ليه دي بقه اللي كانت نكته النكت !!!

محمد منير بقه جالي مره يتطعم وداخل عليه بجوز بودي جاردات ياكلوا الزلط وعنها انا ما اتحركتش من مكاني , قام قالهم معلش استنوني بره واعتذرلي بس بصراحه انسان مهذب جدا وعمري ما نسيت التصرف ده

مره تانيه صاحبه الصيدليه جالها عريس وجوزها واقف ولما قالت له اقدم لك دكتور ...... جوزي مش يسكت ويمشي من سكات لا بقه لازم يحط التاتش بتاعه : اصلك صغيره عليه , اصله شكله باباكي وكلام من ده والراجل واقف دمه بيغلي ووشه محمر ومش بيرد لانه مؤدب جدا بس هيه بقه كانت في منتهى السعاده وقعدت يومين تحكي الحدوته دي لكل ما حد يجي !!!!