في جوله جديده في شارع المعز ، اللي كل مره باسمع من مفتشين الآثار حواديت اجدد من اللي قبلها
في مجموعه الظاهر برقوق العظيمه والمبهره دائما ، قرر مفتش الآثار يفتحلنا الضريح وغرف الطلبه وشويه أماكن وصلنا منها لسطح ومناره المجموعه .
بيحكي أن الضريح فيه أخته وزوجته والست اللي ربته
فبترجمها انها امه قالي لاه ده كان ابن ناس مش ابن اصول
في ترجمه نابعه من معطيات عصرنا قلتله ماهيه هيه ؟!
قالي لا ، ابن الناس كانت بتطلق على المماليك اللي مش عارفين اصلهم كنايه عن جهل النسب او كون الشخص لقيط !!!
أما ابن الاصول ده بقه اللي معروف أصله وفصله ونسبه
ضحكت كده على مسميات عصرنا عن ابن الناس اللي بحهلنا اعتبرناه ابن الاصول ونسينا اصلا ولاد الأصول
دوروا حواليكم عن ولاد الأصول وبلاش ولاد الناس
وعجبي
ليست هناك تعليقات:
إرسال تعليق