ليالينا
التمثليه كانت مبشره فلاتر بايحاء افلام ال ٨٠
تتر كله نوستالجيا وكفايه ورده وبليغ وتوزيع هاني مهنى يمكن هو اللي خلاني أشوفها اصلا
كلها طفولتنا من اغاني وبرامج ولبس ، ال٨٠ وما ادراك ما ال ٨٠
بس الحقيقه كميه كئابه وهم ٢٩ حلقه ونص ، ربع ساعه فرحه وقفلت قفله غريبه اسخم واصل سبيلا بظهور السلفيين وجو عليك اللعنه يا ابن أبي فلسحه !!!
خالد الصاوي أداء اعجازي من تركيبه الفلسفه على ولاد البلد على المرض النفسي كان حقيقي متالق ، الوجه الجديد اللي عملت جميله حقيقي متميزه
صابرين اداء عالي جدا بس معرفتش افهم ايه الباروكه الكاريه اللي لابساها ست المفروض انها في منطقه شعبيه !!! طب خليها شعر طويل طيب ومضفر مثلا
غاده عادل كانت مفتعله ومستفزه ومش فاهمه لابسه دبله في اليمين طول الحلقات ليه سواء متجوزه أو متطلقه !!! ، اياد نصار ٣٠ حلقه بيجز على سنانه وشخص متوتر ومهزوز وعجيب ومليان تناقض مافهمتش ايه وليه !!! وايه تاجر المخدرات اللي كل ما يجي يقتل حد يقله انطق الشهاده متدين اوي حضرتك
في المجمل لطيفه بس اتقفلت واتلكلكت بسرعه وأعتقد كان ممكن تطلع احلى من كده بس ضربت منهم المؤلف اتنزق وقرر يقفلها كولشن كان
في العموم لطيفه بس ضلمه سيكا
ليست هناك تعليقات:
إرسال تعليق