الخميس، 13 مارس 2014

ايقاع الكون

جربت في مره تشغل مزيكا هاديه وتشرب حاجه بتحبها (شاي بالنعناع الاخضر مثلا) وتتفرج على حاجه حواليك

انا مثلا شوفت غصن شجره بيتحرك واكتشفت انه بيرقص على المزيكا دي
ولما التراك اتغير نقلت على الشجره اللي جنبه لقيت العصافير برضه بترقص وبايقاع ظريف وماشي برضه مع التراك الجديد

نزلت من العربيه ولما المزيكا وقفت لقيت صوت الهواء مع الشجر هو كمان عامل ايقاع ظريف

صوت العصافير عامل ايقاع اظرف

بيفرق الايقاع ده على حسب الجو ممكن يكون هادي وممكن يكون صاخب

زي المزيكا لما ممكن تكون سلو او ميتال

المهم انك تفتح قلبك وودانك عشان تعرف تسمع الايقاع وتشوف رقص الكون حواليك

حقيقي بيسعد اليوم وبيفرق فيه

ولما بترجع ليومك بعدها بتبقى كانك قفلت التلفزيون ورجعت تعمل اللي كنت بتعمله بس المره دي بمزاج ومود مختلف

صباح الفل

ليست هناك تعليقات:

إرسال تعليق