عن كل السرحات اللي بنسرحها
سرحه وقت طفي الشمع يوم عيد ميلاد خوف مالسنه الجايه يكون حد ناقص
سرحه في فرح تحضره ونفسك تكون مكان العريس او العروسه
سرحه في البوم صور وترجع ليوم حلو أو مر وتحسه وتشمه وتلمسه
سرحه في كلام اغنيه او شعر وتفتكر حاجه حصلت وانت بتسمعها وتفضل تفتكر اللحظه دي كل مره
سرحه في اول يوم من السنه وانت بتدعي ربنا يجعلها احسن ماللي قبلها
سرحه وانت بتدعي ربنا في ساعه اجابه وتشوف فيها دعوتك صوت وصوره
سرحه في قطر أو طياره ترجع فيها لورا او تحلم فيها بقدام
ليست هناك تعليقات:
إرسال تعليق