مره سالت هو ليه الوان واشكال البشر مختلفه
مع ان الاصل واحد : ادم وحواء ؟ يعني جينيا المفروض كلنا نبقى شبه بعض !!!
مش فاكره مين قالي ان ربنا ارسل جبريل يجمع
حفنه تراب من كل قاره قبل نفخ الروح في ادم (معرفش اذا كان الكلام ده صح ولا لاه)
عشان كده تلاقي الاصفر والابيض والاسود .....
اشكال والوان يعني الاصل في الانسان التنوع
مش بس كده ده لا يمكن تلاقي صباع زي التاني
ولا حاجب زي التاني ولا نص الجسم اليمين زي الشمال وده في الانسان الواحد ده حتى
التوائم المتماثله لازم يكون بينهم اختلاف
امال ليه عايزينا نطلع نسخه واحده من بعض؟
تلاقي في العيله الواحده بقارنوا الصغير
بالكبير
في المدرسه يقارنوا الاطفال ببعض
الاهالي عايزه ولادها كلهم يطلعوا الاول
(امال ين حيطلع التاني بس)
كلنا لازم نذاكر ونجيب الدرجات النهائيه عشان
ندخل ثانوي عام , وبعد كده عشان ندخل الجامعه, ومش بس كده الجمهوريه كلها عايزه
تدخل طب
ما قالوش ان البلد محتاجه التعليم الفني زي
الما محتاجه الثانوي العام , ولاالخريجين
محتاجين الطب والهندسه والزراعه والحقوق ومعهد التعاون كمان
وبعد كده كلنا لازم كلنا نشتغل في شركات
مالتيناشونال , امال مين حيشغل الحكومه, والاعمال الخاصه
كلنا لازم نتجوز بنفس الطريقه والعريس لازم
يجيب شبكه زي معرفش مين قريبتهم وتفاصيل الجهاز معرفش زي ميين تاني
كلنا لازم نجيب عيل واتنين وعشره
وكل الناس عايزه الولد ونعيده تاني من الاول
في الجيل اللي بعده
ونفضل كلنا copy and paste من بعضنا ونعيش ونموت بنجري في نفس السبق مع ان
اللي بيسبق ده اكيد عمل حاجه مختلفه عن الباقيين يبقى ازاي كلنا لازم نبقى استنساخ
من بعض ؟؟؟
وتفضل حدوته الانسان العادي اللي عاش عااااااادي
واتعلم عااااااادي , واشتغل عااااااادي , واتجوز عااااااادي, وخلف عاااااادي, و
برضه مااااات عااااادي L
لقد خُلقنا جميعا على صورته (الله جل وعلا) , ومع ذلك فإننا جميعا مخلوقات مختلفة ومميزة. لا يوجد شخصان متشابهان, ولا يخفق قلبان لهما الإيقاع ذاته . و لو أراد الله أن نكون متشابهين, لخلقنا متشابهين . لذلك , فإن عدم إحترام الخلافات وفرض أفكارك على الأخرين , يعني عدم إحترام النظام المقدس الذي أرساه الله (القاعدة 21)
ردحذفقواعد العشق الأربعون - إليف شافاق
الله :)
حذفسوبر يا بوسي
حذفSuper like
ردحذفمعلومة إن جبريل جمع حفنه من تراب كل قارة دى صحيحة ,لذلك سمّى آدم لأنه من أديم الأرض
رشا اشكرك علي تاكيد المعلومه لانها كانت عنئي في العقل الباطن حتي مش فاكره مين قالهالي بس افتكرتها وانا باكتب البويت
حذفبالمناسبة الكتاب ده أكتر من رائع .... أنا بأنصح بقرائته
ردحذفانا متهيألي ان دي للأسف الثقافة المصرية معندهمش اقتناع ان ربنا خلقنا مختلفين علشان نحتاج لبعض علشان نتشارك الحياة ، معندهمش اقتناع ان ربنا لو كان عايزنا نبقى زي بعض كان خلقنا كلنا متشابهين.
ردحذفمش فاهمين ان كل انسان غير التاني ليه احتياجات ورغبات وميول مختلفة و ان ده مش حاجه وحشة بالعكس هو ممكن يكون شاطر اوي في حاجة اشطر دكتور ميعرفش يبقى شاطر فيها وميعرفش يعملها و كمان بيحتاجها قوي
الحقيقة أن التنوع هو سنة الله في خلقه و أن الكائنات بكافة تنوعها تصنع نسيجا واحدا متكاملا
ردحذفنختلف لنتكامل
و لعل هذا هو أحد الأدلة الجلية على وحدانية الله و كماله