الاثنين، 19 مايو 2014

قصه قصيره: نصيب

في دردشه بناتي سألت واحده من صاحباتي ايه الحاجه اللي لو رجع بيكي الزمن مش حتعمليها
اتنهدت كده وبصت بعنيها اليمين لفوق وقالت لي مكنتش حاروح فرح فلانه سالتها ليه قالت لي عشان الشاب اللس شافتني اخته هناك وخدت نمرتي عشان تجوزني اخوها
 
سالتها وبعدين قالتلي حاصرتني سنه ومكنتش برد عليها بس لما غيرت موبايلي رديت لان النمره مكنتش على الموبيل الجديد
سالتها وبعدين

قالتلي استسلمت ونزلت قابلته وبعدين اتجوزنا
 
سكتت كده وقالتلي تفتكري المفروض مكنتش روحت الفرح ولا مكنتش اديتها النمره ولا مكنتش غيرت الموبيل ولا مكنتش نزلت قابلته ولا مكنتش اتجوزته
 
رديت وقلتلها نصيب ومكتوب !!!
 

هناك 3 تعليقات:

  1. المفروض مكانتش تغير الموبايل، الطمع وحش

    ردحذف
  2. هههههههه أدى أخرة الموبيلات :) ماله التليفون الإسود أبو قرص

    ردحذف