فستاني السواريه الاسود

عمليا هو اول فستان سواريه بجد قبل كده كانت محاولات فاشله ايام الجامعه !!!

اشتريته من جليم في اسكندريه

الفستان كت بشال شيفون  , امبير ونازل على واسع خفيييف ماكسي , القماش تول مطرز بقطيفه سوداء وورداته صغننه وعليها فصوص الماظ ومش حاحط له صوره عشان تتخيلوه !!!

قبل ما اتحجب كنت بحط في الشنيون نفس الفصوص وكان الكوافير بتاعي الله يرحمه بيحب التفاصيل الصغننه اللي كنت بعملها دي

بس عارفين ايه اكتر حاجه بحبها فيه ؟ مش انه احلى فستان سواريه عندي , ولا انه الفستان اللي حضرت يه فرح صاحبتي الانتيم , ولا انه حتى بعد الحجاب ما باظش , ولا انه ما بيطلش لا لون ولا قصه

عارفين ايه اكتر حاجه بحبها فيه؟ الصوت اللي بيعمله وانا ماشيه ااه والله صوت خفيييييف من حركه البطانه مع الفستان قمه في الرقه والعذوبة

بس كده !!!!