الأحد، 4 مايو 2014

مش عايزه اتجوز


مش عايزه اتجوز لمجرد ان العريس "مواصفاته كويسه"

مش عايزه اتجوز عشان معرفش يقى عندي كام سنه

مش عايزه اتجوز عشان الناس لازم تتجوز

مش عايزه اتجوز عشان لازم الحق اخلف

مش عايزه اتجوز عشان ابويا وامي عايزين يفرحوا بيه

مش عايزه اتجوز عشان لقيت نصي التاني

مش عايزه اتجوز واحد لقاني احسن عروسه في اللسته اللي والدته جابتهاله


 

عايزه اتجوز عشان لقيت انسان مناسب ليه لافكاري وعقلي وطموحي

عايزه اتجوز عشان لقيت واحد معرفش اعيش من غيره

عايزه اتجوز عشات لقيت واحد يملى عيني وعقلي وقلبي

عايزه اتجوز عشان انا كامله وراضيه بنفسي بيه ومن غيره ويكون هو كمان كامل وراضي بنفسه بيه ومن غيري  

عايزه اتجوز واحد عايزني انا ومحدش غيري انا

 

هناك 3 تعليقات:

  1. عندك حق فى كل كلمة .... ربنا يرزقك بكل إللى بتتمنيه وأحسن منه كمان
    Rasha Azzam

    ردحذف
  2. بصى انا معاكى بس جمله مش عاوزة اتجوز عشان لقيت النص التانى دى معترضة عليها لان فعلا لما الواحد بيلاقى الشخص اللى بيكمله هو ده السكن من الجواز ومش معاكى فان تتجوزى اللى ماتقدريش تعيشى من غيره الواقع بيقول اننا بنعيش حتى لو احب الناس لينا بتروح لكن كلامك برقيات واضحة وصريحة ومختصرة وعميقة الله ينور داليا صفوت

    ردحذف
  3. روعه عجبتني جدا...ياريت كل البنات ياخدوا المبدا ده وميستسلموش لضغط الاهل والمجتمع

    ردحذف