ده معظم البنات دلوقتي ما بتعرفش تلبس فساتين لاسباب
كتيره جدا اقلها المعاكسه !!!
معرفش ايه حكايه الرجاله اللي شايفين حالهم اليومين دول
, اشي لابس فستان واشي لابس جزمه بكعب واشي عمل حواجبه واشي لابس لجنج ووسط ساقط
اشكال ضاله بعيد عنكم !!
حكولي عن الرجاله عند " الكوافير"
المزين سابقا !! انهم عااادي جدا بيعملوا ماسكات وحمامات بخار وحواجب وفتله كمان !!!! يا دي المرار الطافح
مش بقولكم الرجاله راحت في الوبا
فين الالاجه والشياكه والرجوله بتاعه ابويا وابوكي ,
وتحمل المسئوليه وحسن التصرف وفي نفس الوقت تفتح المخ ؟
الشاب من دول دلوقتي واخد من الرجوله التحكم والشخط
والنطر والاماره وبس
ده البنات دلوقتى ارجل من كتير من الرجاله (قصدي الدكوره
) اصل لفظ "ر ا ج ل
" لا يطلق على اي دكر
البنت من دول تلاقيها بتتحمل المسؤوليه وتاخد قرارات
وتعمل ميت حاجه وحاجه والبيه من دول محتاس وغرقان في شبر ميه ومش عارف يتصرف وبعد
كده يتريق على ملح ناقص في الاكل ولا ياقه مش مكويه كويس ويقولها اصلك شبه واحد
صاحبي
ما هيه لو لقيت منك رجا ما كنتش عملت هيه كل حاجه لان كل
حاجه من دول بتستقطع حته من انوثتها او على الاقل احساسها بانوثتها , ومبقاش حد
اصلا يملى عينها الا من رحم ربي
ايه الهم ده
لكل فعل رد فعل مساو له فى المقدار و مضاد له فى الإتجاة
ردحذفقانون نيوتن الثالث
تحليل علمي ودقيق
حذفماهيه نفس الفكره بتاعتي على فكره لما هو لبس فستان لبست هيه البنطلون
بس تعرف بيبقى نفسها قوي ترجع تلبس فستان , وتنقل للكرسي المجاور للسواق في عربيه حياتها وتنام وتروح في سابع نومه كمان عشان عارفه ان السواق شاطر ويعتمد عليه ومش حيخيش في اول مطب في حياتهم !!!
على فكرة يا لميا اللي في الصورة دول مالهومش علاقة بالرجالة او الذكور اللي بتنتقديهم، دول حاجة تالتة خالص و سايبينهالنا مخضّرة اساسا
ردحذفبالنسبة لرأيك هو في ظلم شوية لان متطلبات الحياة اساسا بقت كتيرة و صعبة و خصوصا لما الستات يتمسكو بيها كلها بدون تنازل لدرجة انها بتبدأ تدخل التراك مع الراجل و كمان بتسبقه في احيان كتيرة